Համագործակցության հուշագիր ԻԻՀ ԱԳՆ Քաղաքական և միջազգային հետազոտությունների կենտրոնի և ՀՀ վարչապետի աշխատակազմի Հանրային կապերի և տեղեկատվության կենտրոնի միջև

22 օգոստոսի, 2022

Օգոստոսի 22-ին առցանց ձևաչափով ստորագրվեց համագործակցության հուշագիր ԻԻՀ Արտաքին գործերի նախարարության Քաղաքական և միջազգային հետազոտությունների կենտրոնի և ՀՀ վարչապետի աշխատակազմի Հանրային կապերի և տեղեկատվության կենտրոնի միջև։

ՀԿՏԿ տնօրեն Գոռ Ծառուկյանը ողջունեց մասնակիցներին, նշեց, որ Կենտրոնն իր գործունեության ընթացքում մշտապես առանձնակի ուշադրություն է դարձրել հարևան բարեկամական երկրների գործընկեր շրջանակերի հետ համագործակցություն հաստատելու և խորացնելու ուղղությամբ, մասնավորապես կարևորելով հետազոտական կենտրոնների դերը կողմերի միջև փոխըմբռնման ընդլայնման գործում։

ՔՄՀԿ նախագահ Մոհամմադ Հասան Շեյխոլէսլամին իր ողջույնի խոսքում նշեց, որ Իրանի և Հայաստանի համագործակցությունը երկու երկրների առաջադեմ հետազոտական կենտրոնների միջոցով կազմակերպված փորձագիտական քննարկումների միջոցով հնարավորություն կտա ստանալ քաղաքական զարգացումների հեռանկարներ և որոշում կայացնողների համար օգտակար հետազոտություններ իրականացնել։

Կառույցների միջև ստորագրվող փաստաթուղթը հնարավորություն կընձեռի շատ ավելի սերտ և իրավաբանորեն կազմակերպված մակարդակում համակարգել երկկողմ շփումները։

Աշխարհաքաղաքական և տարածաշրջանային զարգացումների նման բարդագույն ժամանակահատվածում շարունակելու է օրակարգային լինել երկկողմ փորձագիտական համաժողովների կազմակերպումը, դրանց արդյունքների վերլուծումը և հանրային իրազեկումը։

Կողմերը պայմանավորվեցին փոխադարձ այցելություններով ամրապնդել համագործակցությունը։

https://iprc.am/%d5%b6%d5%b8%d6%80%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80/%d5%b0%d5%a1%d5%b4%d5%a1%d5%a3%d5%b8%d6%80%d5%ae%d5%a1%d5%af%d6%81%d5%b8%d6%82%d5%a9%d5%b5%d5%a1%d5%b6-%d5%b0%d5%b8%d6%82%d5%b7%d5%a1%d5%a3%d5%ab%d6%80%d5%ab%d5%ab%d5%b0-%d5%a1%d6%80%d5%bf%d5%a1%d6%84/2675/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր